При потопувањето на тврдо тело во течност на неговата површина дејствува силата на притисокот. Бидејќи хидростатскиот притисок се зголемува со зголемувањето на длабочината, силата на притисокот што дејствува на долната површина од телото, а која е насочена нагоре, е поголема од силата што дејствува на неговата горна површина а која е насочена надолу. Затоа, резултантата од тие две сили ќе биде насочена нагоре. Силата со која флуидот дејствува на потопеното тело во него, настојувајќи да го истисне телото од него се вика Архимедова сила или потисок.
Големината на Архимедовата сила може да се определи на следниот начин: Во сад со течност е потопено тело во облик на цилиндар со височина и плоштина на попречниот пресек Ѕ. Цилиндарот стои вертикално во течноста (сл. 3.12). На цилиндарот му дејствуваат силите на притисокот. Страничните сили што дејствуваат на цилиндарот се урамнотежуваат, зошто на одредена нивовска површина хидростатичкиот притисок е еднаков, па и силите на притисокот што деј ствуваат на цилиндарот се еднакви и ќе се урамнотежат. Останува дејството само на силите F и F, (сл. 3.12). Архимедовата
сила F1 со која течноста дејствува на телото е еднаква на разликата од тие две сили: FА=F2-F1 (3.3)
Ако големината на хидростатскиот притисок на длабочината х е р1, (тоа е длабочината на која се наоѓа горната површина на цилиндарот), а на длабочината (x+h) e p2, (тоа е длабочина на која се наоѓа долната страна на цилиндарот), тогаш за силите F1, и F2, следуваат равенките:
F1= P1S; F2 = P2S (3.4)
Според законот за хидростатскиот притисок, за р, и р2 следуваат изразите:
p1=pgx; P2=pg(x+h) (3.5)
Ако добиените изрази за р, и р,, дадени со (3.5) се заменат во (3.4), за F, и F, се добива:
F1=pgxS; F2=pg(x+h)S (3.6)
Ако добиените изрази за F1 и F2 се заменат во равенката (3.3), за големината на Архимедовата сила се добива: F1 =pghS. Бидејќи Ѵ =һ.Ѕ, каде V е волуменот на потопениот цилиндар во течноста, за Архимедовата сила (силата на потисок), се добива: (3.7) FА=pgV
Од равенката (3.7) следува, дека силата на притисокот е еднаква со тежината на течноста чијшто волумен е еднаков со волуменот на потопеното тело, односно како што е вообичаено да се каже, со тежината на истиснатата течност. Оваа законитост прв ја установил Архимед и во негова чест законот искажан со равенката (3.7) е познат како Архимедов закон.
Експеримент: Со експериментот прикажан на сл. 3.13 се демонстрира, дека силата на притисокот е еднаква со тежината на истиснамаша течност од потопеното тело. На пружината Р е обесен празен цилиндар А и масивен цилиндар В (сл. 3.13.а).
Волуменот на масивниот цилиндар е еднаков со волуменот на празниот, (полниот цилиндар влегува во празниот). Под дејство на тежината на двата цилиндра пружината се издолжува. Неподвижниот индекс і,, кој се наоѓа на стативот С, се поставува на иста височина на која е индексот і кој е прицврстен за пружината (сл. 3.13.б). Кога масивниот цилиндар В ќе се потопи во водата, поради дејството на потисокот, издолжувањето на пружината сега ќе биде помало и индексот і ќе се помести нагоре. Ако празниот цилиндар внимателно се наполни со вода, индексот і повторно ќе се врати во првобитната положба што ја покажува индексот і1
Ако тврдо тело се потопи во течност, покрај силата на Земјината тежа му дејствува и потисната сила од течноста. Ако потисната сила на течноста е поголема од силата на межата, во таков случај телото излегува на површината од течноста, односно тоа плива. Кога телото лива, силата на притисокот што дејствува на телото се изедначува со силата на Земјината тежа.
Според Архимедовиот закон, односно според законот за пливањето функционира ареометарот. Тоа е направа што служи за мерење на густината на течностите. Ареометарот претставува затворена стаклена цевка која на долниот крај е проширена и тоа проширување е наполнето со оловни сачми за да може да плива вертикално и стабилно.